Jarduerak

Aurten, Ekintzailetza Eguna Galdakaon arrakastaz ospatu zen, CIFP Andra Mari, Galdakaoko Ostalaritza Eskola eta Behargintza erakundeen artean egindako lankidetzarekin, urtarrilaren 15ean eta otsailaren 10ean. Jardunaldi hau Galdakaoko bigarren hezkuntzako ikastetxeetako IES Bengoetxe eta IES Elexalde-ko ikasleei zuzenduta egon zen, herrian sortzaintzaren eta ekintzailetzaren aldeko sentsibilizazioa sustatzeko. Guztira 160 ikaslek parte hartu zuten saio hauetan, ekonomiaren zirkulartasuna eta jasangarritasuna sustatzen dituzten ideiak ezagutuz.

Ikasenpresa Proiektuak: Berrikuntza ikasgelatik

Jardunaldian, bi zentroetako Ikasenpresa programetako ikasleek euren proiektuak aurkeztu zituzten. Galdakaoko Ostalaritza Eskolatik honako proiektuak nabarmendu ziren, produktu lokal eta jasangarrien erabileran oinarrituta:

• Samasiku: Sagardo ekologikoa.
• Manzuka: Zumo ekologikoa.
• Tradizio&Sazón: Sagarraren gozokiak.
• Max&Talo: Taloak glutenik gabe.
• Crêpes Aux Fruits: Krepeak betegarri desberdinekin.

Horrez gain, ikasleek produktuak dastatzeko aukera izan zuten, hala nola zumo ekologikoa eta sagar postreak, lehen eskutik esperimentatuz aurkeztutako proiektuen kalitatea eta berrikuntza.

Bestalde, CIFP Andra Mari-ko ikasleek euren proiektuak aurkeztu zituzten, eta hauek honakoak izan ziren:

• EKOBERRI: Mugikorrak kargatzen dituzten bizikletak.
• SPRINT: Kamisetak eta sudaderak serigrafiarekin.
• TRIADA ASESORES: Internetik gabeko adimen artifizialeko aholkularitza.

Ekintzan Enpresak: Merkatuko ekintzailetza

Ikasenpresa proiektuez gain, enpresa errealak ere aurkeztu ziren, gaur egun merkatuan jarduten ari direnak. Horien artean, hauek nabarmentzen ziren:

• SOLAR-GIK: Energia eguzkiaren arloan egindako proiektua.
• CAMBIADORES INCLUSIVOS: Pertsona guztientzako espazio irisgarriak sustatzen dituen enpresa.
• Egun On Desayunos: Galdakaoko Ostalaritza Eskolako Urratsbat enpresa, Mari Luz Alonso-k zuzendurikoa, hamaiketako goxo bat eskaini zuen eta emakume ekintzailetzaren eta ekintzailetza lokalaren garrantzia nabarmentzen izan zen, ekitaldiari dastatze gozoa ekarriz.
• KALA: Behargintza-k sustatutako ekimenen artean.

Eskerrak eta amaiera

Ikasleek CIFP Andra Mari-ko instalazioak bisitatzeko aukera izan zuten, bertan aurkeztutako prozesuak eta produktuak gehiago ezagutzeko. Behargintza-ri eskerrak eman nahi dizkiogu antolakuntza lanetan egindako ahaleginagatik, eta parte hartu zuten ekintzailetza sustatzen duten guztiei. Ekitaldi honek aukera bikaina izan du ekintzailetza espiritua eta talde-lana sustatzeko, beti ere aukera berdintasuna eta berrikuntza ikuspegiaren pean.